സേനാപതി ലയണ്‍സ് ക്ലബ്ബ് വാര്‍ഷികം ആഘോഷിച്ചു
സേനാപതി ലയണ്‍സ് ക്ലബ്ബ് വാര്‍ഷികം ആഘോഷിച്ചു
ഇടുക്കി: സേനാപതി ലയണ്‍സ് ക്ലബ്ബിന്റെ 6-ാമത് വാര്‍ഷികവും സാമൂഹ്യ സേവന പദ്ധതികളുടെ ഉദ്ഘാടനവും ഭാരവാഹികളുടെ സ്ഥാനാരോഹണവും നടത്തി. രാജകുമാരി വ്യാപാര ഭവനില്‍ ഡിസ്ട്രിക്ക് ഫിനാന്‍സ് അഡൈ്വസര്‍ സി എ റോയി വര്‍ഗീസ് ഉദ്ഘാടനം ചെയ്തു. നിര്‍ധന കുടുംബങ്ങള്‍ക്ക് ഭവനം നിര്‍മിച്ചു നല്‍കല്‍, പഠനോപകരണ വിതരണം, ഭക്ഷ്യകിറ്റുകളുടെ വിതരണം, ചികിത്സാ സഹായങ്ങള്‍, മെഡിക്കല്‍ ക്യാമ്പുകള്‍, അവശ കലാകാരന്‍മാരെ സഹായിക്കല്‍ തുടങ്ങി നിരവധി സേവന പ്രവര്‍ത്തങ്ങളാണ് ക്ലബ് നടത്തി വരുന്നത്. പഞ്ചായത്തിന്റെ വിവിധ മേഖലകളില്‍ സ്ഥാപിക്കുന്നതിനുള്ള കോണ്‍വെക്സ് മിററും സ്‌കൂളുകളില്‍ സ്ഥാപിക്കുന്നതിനുള്ള സാനിറ്ററി നാപ്കിന്‍ ഡിസ്‌ട്രോയിഡ് ഇന്‍സിലേറ്റര്‍ വിതരണവും യോഗത്തില്‍ നടന്നു. പുതിയ ഭാരവാഹികളുടെ സ്ഥാനാരോഹണ ചടങ്ങില്‍ വി ആര്‍ രാജേഷ് പ്രസിഡന്റായും, ബേസില്‍ വര്‍ഗീസ് സെക്രട്ടറിയായും, വി ആര്‍ ശിവന്‍ ട്രഷററുമായിട്ടുള്ള 16 അംഗ ഭരണ സമിതി ചുമതയേറ്റു. യൂത്ത് ഡിസ്ട്രിക് സെക്രട്ടറി ഷൈനു സുകേഷിന്റെ നേതൃത്വത്തില്‍ പുതിയ അംഗങ്ങളുടെ സത്യപ്രതിഞ്ജ നടത്തി. തുടര്‍ന്ന് ഭരണസമിതി അംഗങ്ങളെ ചടങ്ങില്‍ ആദരിച്ചു. ക്ലബ് പ്രസിഡന്റ് ബോസ് പി മാത്യു, ജെയിംസ് തെങ്ങുംകുടി, എം എസ് സന്തോഷ്, പ്രവീണ്‍ കുമാര്‍ പി , കെ എന്‍ മുരളി, ബേബി പുല്‍പറമ്പില്‍, ബേസില്‍ റ്റി ജേക്കബ്, ബിനു പോള്‍, റ്റി ആര്‍ രാജേഷ്, കെ കെ മനോജ് തുടങ്ങിയവര്‍ പങ്കെടുത്തു
What's Your Reaction?
